Nizamabad: మనుషుల మధ్య మటన్ కర్రీ చిచ్చు 

Nizamabad: నిజామాబాద్ జిల్లా, ఆగస్టు 29 (ప్రజా శంఖారావం): నిజామాబాద్ జిల్లా నవీపేట మండల కేంద్రంలో మటన్ కర్రీ మనుషుల మధ్య చిచ్చు పెట్టింది. మండల కేంద్రంలో జరిగిన ఓ వివాహ వేడుకలో మటన్ కర్రీ కోసం గొడవపడిన ఘటనలో 19 మంది పై పోలీస్ కేసు నమోదు అయ్యేలా తీవ్ర స్థాయిలో గొడవ జరిగింది. వివరాల్లోకి వెళ్తే పెళ్లి కొడుకు తరపు వారికి వివాహ వేడుక భోజన సమయంలో మాంసం తక్కువగా వడ్డించారని చిన్నపాటి వాదన మొదలైంది. ఈ వాదన కాస్త ఇరువర్గాల మధ్య మాట మాట పెరిగి మాంసం కోసం తలలు పట్టుకునే పగుల గొట్టుకునే స్థాయిలో గొడవ పడడంతో వివాహ వేడుక కాస్త రణ రంగా రంగా మారింది. వివాహ వేడుకలో గొడవ పడి తలలు పగలగొట్టుకున్న 19 మంది పై పోలీసు కేసు నమోదు అవడంతో సుబ్బిగాడి పెళ్లి చావుకి వచ్చినట్లు వుంది అన్న చందంగా శుభకార్యానికి వెళ్లి పోలీస్ కేసు నమోదు చేయించుకున్నట్లయింది.