9 మంది పేకట రాయుళ్ల అరెస్ట్

ఆర్మూర్, మార్చ్ 4 (ప్రజా శంఖారావం): పేకాట ఆడుతున్న 9 మందిని అరెస్టు చేసినట్లు టాస్క్ ఫోర్స్ ఇన్స్పెక్టర్ అంజయ్య తెలిపారు. మంగళవారం ఆర్మూర్ పోలీస్ స్టేషన్ పరిధిలోని రాంపూర్, మామిడిపల్లి గ్రామ శివారులలో పేకాట ఆడుతున్న స్థావరంపై రైడ్ చేసి 9 మందిని అదుపులోకి తీసుకున్నట్లు ఆయన చెప్పారు. వారి వద్ద నుండి ₹ 45,100/- రూపాయలతో పాటు 5 సెల్ ఫోన్లు, 3 ద్విచక్ర వాహనాలు స్వాధీనం చేసుకున్నామని అన్నారు. నిజామాబాద్ జిల్లా ఇన్చార్జి పోలీస్ కమిషనర్ సింధు శర్మ ఆదేశాల మేరకు ఈ రైడింగ్ నిర్వహించినట్లు ఆయన పేర్కొన్నారు. 9 మంది పేకాటరాయుళ్లను తదుపరి చర్యల నిమిత్తం ఆర్మూర్ పోలీస్ స్టేషన్ ఎస్హెచ్ఓ సత్యనారాయణ గౌడ్ కు అప్పగించినట్లు తెలిపారు.